It’s raining men

Imaxinade a 35.000 persoas caendo do ceo. Arteixo enteiro. E detrás deles, as súas lavadoras, os televisores, os teares de Inditex e as naves todas de Sabón. Pois algo así viron os veciños holandeses fai case 65 anos. Durante tres días de setembro de 1944 choveron soldados ‘aliados’ (británicos, americanos, polacos) sobre Holanda. Paracaídas e paracaídas. E logo suministros, avións e máis paracaídas. Foi a Operación Market Garden, o tinglao aéreo máis grande da historia. Querían machacar aos ‘nazis’ (alemáns) pero quedaron a medias. E total, acabaron gañando igual un ano despois. E logo veu o Plan Marshall, a Guerra Fría, caeu o muro, caeron as torres e aquí estamos.

35.000 homes saltando do ceo. Soa tan imposible como chegarlle ao cóbado coa lingua.

Por certo, a historia da operación Market Garden relátase no filme ‘Un puente lejano’. Acabo de velo e gustoume moito, e iso que case nunca me entero de nada no cine bélico. Sempre van todos con uniformes moi parecidos, verdes, e nunca sei de que equipo é cada un, nin onde está o río ou se manda máis o teniente ou o coronel. Pero esta peli gustoume e ademais ten un reparto curioso (Gene Hackman, Anthonhy Hopkins, Sean Connery, Robert Redford, Lawrence Olivier…)