Me mola este blog

Ten 6 comentarios.

chapa-blogSi, xa sei. Vaia trapallada de blog e de blogueira. Non teño perdón. Ando dispersa, non lle estou dedicando a concentración que merecen as cousas me gustan. E iso claro, nótase. E perdo lectores e comentaristas, que é o que máis me gusta de todo. Aínda que a verdade é que esperaba que co do compañeiro de clase conseguiría animar a cousa, pero parece que o rollo nostálxico non vai.

Dáme moita rabia, crédeme, ter isto medio abandonado. Pero de verdade que non é a miña intención, ao contrario. É unha das cousas que non quero deixar de facer. É cuestión de determinación (xa avisei ao inaugurar isto que son indecisa por natureza), tempo e experiencia. Teño que dar co meu punto nisto de internet e os blogs. Supoño que se trata de falar do que me gusta e do que me precoupa, do que me inqueda e do que me pon triste, non? Ou contar o que fixen e a onde fun? Demasiado “me”… Mellor buscar cousiñas curiosas na rede para compartilas? Ou limitarme a montar ciberxogos semiestúpidos de dubidosa acollida pero para min encantadores? Teño que ser graciosa? Buf, teño que pensar (ou deixarme levar, xa o decidirei), pero en todo caso seguro que non me viña mal unha axudiña en forma de comentario que me anime a seguir e me dea ideas ou que me poña a caldo e me pique. Anda, darme argo……

Non teño perdón, pero seguro que me perdoades. E non só iso, senón que me salvades.

P.D.- As chapas da foto son unha proba de que me mola este blog. Se a vós tamén vos mola (o blog ou a chapa), dicídeo que son vosas.

6 comentarios

  1. acabo de tropezarme co teu blog. casualidades que ten a rede.

    polo momento douche unhas coordenadas no paralelo 42:
    42º20´32´´latitude N
    07º51´41´´lonxitude W

    cando cadre xa che pedirei unha cha”PI”. molame moito.

    boeno, … xa mirarei por qué podería facelo troco.

    por certo qué cousas … alá polo ano pasado andivera eu a darlle voltas á cabeza nunha idea parecida. pero no meu caso era a partir das chapas das botellas de garimbas ou cousas así … tipo “judas” (fondo negro, letras vermellas); ó final quedou en nada pola miña inconstancia …

  2. papo rubio, tesme intrigadirma. Esas coordenadas veñen estando no Mediterráneo, frente a Córcega. Se eres corso, cóntanos que se coce por aí e a que andas por aquí. Se te engañache, corrixe a túa posición. Corto e cambio.

  3. estou seguro que fai tempo que, ainda que lonxe de new iorque, ando polo paralelo 42. revisei de novo as coordenadas no sixpac da xunta e coinciden co sitio que eu pretendía situar que é bastante máis cerca de coruña que a corsica esa. cando poda comprobareino de nove e desta vez no papel (1:50.000) non vaia a ser que ande perdidiño polo mundo adiante e eu sin sabelo. je, je, je, … sau2

Deixar un comentario

O teu enderezo electrónico non se publicará